Rona Nishliu, sonte në finalen e Eurovizionit

Të gjithë shqiptarët që jetojnë në Evropë mund ta ndihmojnë këngëtaren Rona Nishliu mbrëmjen e së shtunes duke votuar në kodin “03”

Sonte në Azerbajxhan do të zhvillohet nata finale e Festivalit Evropian të Këngës, pavarësisht protestave të gjera në vend, që kërkojnë respektimin e të drejtave të njeriut.

Njëzetegjashtë finalistë do të ngjiten në skenën e Bakusë – në mesin e tyre edhe përfaqësuesja e Shqipërisë, këngëtarja kosovare Rona Nishliu, si dhe përfaqësuesit e Maqedonisë, Bosnjë-Hercegovinës, Serbisë, Moldavisë, Ukrainës, Rusisë e të tjerë.

Rona Nishliu ka deklaruar se do të bëjë maksimumin për një prezantim sa më dinjitoz.

Gara vjetore e këngës zakonisht ndiqet nga një audiencë televizive prej më shumë se 100 milionë shikuesish në mbarë botën.

Foto galeri