Krasniqi, i lumtur për fitoren

Boksieri shqiptar, Haxhi Robin Krasniqi, është shprehur shumë i kënaqur me fitoren e fundit, shkruan albinfo.ch.

Krasniqi mundi polakun Bartlomiej Grafka me vendim unanim të gjyqtarëve, në meçin që u zhvillua mbrëmë në “Erdgas Arena” në Halle an der Saale të Gjermanisë.

“Ja ku jam sërish! Fitorja e bindshme e ditës së djeshme ishte për mua dhe tifozët e mi shumë e rëndësishme, prandaj po kthehem i lumtur në shtëpi. Më shumë se 5 muaj punë i kam pas vetës tani dhe kjo nuk do ishte e mundur pa ekipin tim të mrekullueshëm. I falënderoj të gjithë nga zemra”, ka shkruar Krasniqi në rrjetet sociale.

Kështu Krasniqi nuk është dorëzuar dhe do të tentojë të luftojë sërish për titullin e kampionit të botës, një mundësi që e kishte pasur më herët, por nuk e kishte shfrytëzuar.