Rikthimi i fuqishëm i Nokias

Nokia ka bërë të ditur të dhënat e para të suksesit që ka shënuar në vitin 2017, pas rikthimit në tregun e telefonave.

Kompania e njohur evropiane e telefonave, që po udhëhiqet nga HMD Global e Finlandës, arriti që në tremujorin e katërt të vitit 2017 të shesë rreth 4.1 milionë telefona Android. Ajo me këtë rast zuri një për qind të të gjithë tregut.

Sipas raportimit të “Forbes”, tremujori i katërt ishte më i suksesshmi për Nokian në vitin e shkuar, që deri tani ka arritur në një vit të shesë 8.5 milionë njësi, transmeton Albinfo.ch.

Me më shumë se 4 milionë telefona të shitur në tremuaj, HMD është para Sonyt në të njëjtën periudhë.

Mbetet të shihet nëse Nokia do të ketë suksese të tjera në vitin 2018 dhe nëse do të rivalizojë gjigantët botërorë.