Kadare, i nominuar për çmimin e letërsisë nga Banka Evropiane

Në listën e ngushtë prej gjashtë shkrimtarësh, Kadare garon krahas autorëve të tjerë të njohur, mes tyre edhe ndaj shkrimtarit Orhan Pamuk

Ilustrim

Shkrimtari i njohur shqiptar Ismail Kadare dhe vepra e tij “Kamarja e Turpit” është përzgjedhur si një ndër gjashtë autorët më të mirë në garë për Çmimin e Letërsisë që do të jepet nga Banka Evropiane për Rindërtim e Zhvillim.

Në listën e ngushtë prej gjashtë shkrimtarësh, Kadare garon krahas autorëve të tjerë të njohur, mes tyre edhe ndaj shkrimtarit Orhan Pamuk, përcjell albinfo.ch.

E shkruar rreth 40 vite më parë në gjuhën shqipe, si një parodi mbi diktaturën komuniste, në gjuhën angleze, kjo vepër u përkthye vetëm vitin e shkuar.

Ceremonia e ndarjes se çmimit do të mbahet më 10 prill, ndërsa kjo është hera e parë që Banka Evropiane për Rindërtim dhe Zhvillim akordon një çmim për letërsinë, i cili do të shoqërohet edhe me vlerën e 20.000 eurove.