Hetimi për Astrit Deharin në Qendrën Universitare e Mjekësisë Ligjore në Lozanë

Prokuroria e Shtetit ia ka dorëzuar familjes së Astrit Deharit, vendimin që ka lejuar ekspertizën ndërkombëtare për vdekjen e tij.

Hetimi do të bëhet në Qendrën Universitare e Mjekësisë Ligjore në Lozanë, ashtu siç ka kërkuar familja Dehari.

Këtë e kanë konfirmuar për KTV-në në Prokurori të Shtetit, përcjell albinfo.ch.

Vonesat, sipas tyre janë bërë për shkak të procedurave teknike. Zëdhënësi i Prokurorisë, nuk ka mohuar që zyrtarë të Qendra Universitare e Mjekësisë Ligjore në Lozanë, të vijnë në Kosovë për të kryer veprime hetimore.

KTV-ja ka raportuar qysh muajin e kaluar se institucionet kanë vendosur të autorizojnë për ekspertizë Institutin zviceran. Por, zyrtarë të Vetëvendosjes vazhduan të akuzojnë pushtetin se nuk po e lejon këtë hetim.