Rrëfimi i babait të djemve që u vranë nga hajnat

Edhe babai i të ndjerëve, Tafil Maloku ka thënë se ishin hajdutë ata që ia vranë djemtë

Nata e mbrëmshme ka qenë e tmerrshme për familjen Maloku në Plloqicë të Malishevës.

Vëllezërit Maloku, njëri 44 e tjetri 34 vjeçar u qëlluan për vdekje me armë zjarri rreth orës 01:00, njofton “Klan Kosova”.

E tëra nisi nga një zhurmë që dy viktimat e dëgjuan në oborr derisa ishin duke lozur me letra me kushërinjtë brenda në shtëpi, përcjell albinfo.ch.

Hysni Maloku që ishte njëri nga ta, tha se vëllezërit u qëlluan nga persona që kishin hyrë për të vjedhur.

Edhe babai i të ndjerëve, Tafil Maloku ka thënë se ishin hajdutë ata që ia vranë djemtë.

Policia ka intervistuar disa persona ku dy prej tyre janë shoqëruar në polici, të cilët sipas informacioneve të para janë të të njëjtit fshat.