Për 98 % të bizneseve, korrupsioni është problemi më serioz

Korrupsioni në Kosovë mbetet në nivele të larta dhe shqetësuese, si për qytetarët, ashtu edhe bizneset. Për 98 për qind të bizneseve në vend, korrupsioni është problemi më serioz, ndërsa 72% e tyre nuk u besojnë gjykatave.

Oda Ekonomike Amerikane ka prezantuar Studimin për Perceptimin e Korrupsionit, që ka nxjerrë këto të dhëna, përcjell albinfo.ch.

Ky hulumtim po ashtu konstaton se korrupsioni ndikon në një zhvillim të ngadaltë të pabarabartë dhe zvogëlim të vendeve të punës.

Kryetar i OEAK-ut, Arian Zeka, tha se pavarësisht zotimeve të zyrtarëve për luftimin e korrupsionit, prapëseprapë, ai është prezent në vend.

Ndërsa ministri i Drejtësisë, Abelard Tahiri, ka bërë thirrje për bashkëpunim mes sektorit privat dhe dikasterit që ai drejton, në mënyrë që të luftohet korrupsioni dhe krimi i organizuar.