Zvicra nuk rrezikohet nga ndonjë epidemi gripi

Byroja Federale e Shëndetësisë (BAG) ka konstatuar se kanë pushuar shkaqet e gjendjes emergjente, të vendosur për shkak të rasteve të shpeshtuara të gripit të derrave. rastet ishin shënuar javën e kaluar në kazermat ushtarake të Zvicrës Qendrore dhe Lindore.

Siç ka deklaruar për emisionin “Tagesschau” Roger Staub nga BAG, ky institucion kishte paraparë se kjo valë e gripit do të shkaktonte sivjet më shumë të sëmurë se më parë. Kjo, nga shkaku i përzierjes së tre tipave të virusit të gripit që po qarkullojnë aktualisht.

Sidoqoftë, gjendja e emergjencës ka mbaruar, ka thënë Staub dhe ka shtuar se Zvicra nuk ka rrezik nga ndonjë epidemi gripi.