Mogerini: Bashkimi Evropian pret ruajtjen e paqes

Presidenti i Serbisë, Aleksandër Vuçiq dhe Shefja për Politikë të Jashtme të BE-së, Federica Mogherini, pas takimit kanë rënë dakord të gjejnë rrugë të reja për të vazhduar punën dhe zgjidhjen e problemeve në mes Beogradit dhe Prishtinës në mënyrë paqësore.

Mogerini derisa komentoi arrestimin dhe dëbimin e Marko Gjuriq tha se ajo që ndodhi dje, nuk mund të përsëritet.

“Bashkimi Evropian pret ruajtjen e paqes dhe një qasje të mençur e të përmbajtur” u shpreh Mogherini.

Ata theksuan se është në interes kombëtar dhe shtetëror të Serbisë për të ruajtur stabilitetin, paqen dhe progresin në rrugën drejt BE-së, përcjell albinfo.ch.

Vuçiq përmes një postimi në Twitter, pohoi se kishte zhvilluar një diskutim substancial dhe kuptimplotë me përfaqësuesen e BE-së, mbi zhvillimet e fundit në Kosovë dhe të ardhmen e dialogut për normalizimin e marrëdhënieve midis Beogradit dhe Prishtinës.