Bisedime intensive në Vjenë për emrin e Maqedonisë

Maqedonia e Greqia po tentojnë që të gjejnë zgjidhje të pranueshme për çështjen e emrit dhe për këtë po vazhdojnë bisedimet mes palëve me ndërmjetësimin e OKB-së në Vjenë.

Të dyja palët janë të interesuara që të bëjnë kompromis në mënyrë që të respektohen interesat e dy vendeve, përcjell albinfo.ch.

Ministrat e Punëve të Jashtme, Nikolla Dimitrov dhe Nikos Kotzias, para takimit me ndërmjetësuesin e OKB-së Mattew Nimetz, përsëritën qëndrimin se duan të gjejnë kompromis dhe përfundimisht ta zgjidhin çështjen e emrit. Ndërsa shefi i diplomacisë së Maqedonisë, Nikolla Dimitrov, ka thënë se prapashtesa gjeografik është e pranueshme, por si dallim nga territori i Greqisë dhe jo kufizim të gjuhës maqedonase, kombit dhe shtetit.