Policia arreston shqiptarin e kërkuar nga Zvicra

Policia e Shqipërisë ka vënë në pranga 47-vjeçarin shqiptar banues në Maqedoni, pasi ishte në kërkim ndërkombëtar për trafikim lëndësh narkotike.

Shërbimet e Stacionit të Policisë Kufitare në Qafë-Thanë, në hyrje të Republikës së Shqipërisë, bënë arrestimin provizor me qëllim ekstradimi drejt Zvicrës të shtetasit A. A., 47-vjeçar, banues në Maqedoni, përcjell albinfo.ch.

Ky shtetas rezulton i shpallur në kërkim ndërkombëtar, pasi autoritetet gjyqësore zvicerane kanë caktuar masën e sigurisë “Arrest me burg” për kryerjen e veprës penale “Shkelje e ligjit për lëndët narkotike”parashikuar nga Kodi Penal Zviceran.