Mustafa kthehet nga Gjermania

Mustafa kishte shkuar në Gjermani ku ishte shtrirë në një klinikë në fillim të këtij viti, pasi i ishte përkeqësuar shëndeti

Kreu i Lidhjes Demokratike të Kosovës, Isa Mustafa, është kthyer në Kosovë pas disa muajve të kaluar në Gjermani, ku kishte shkuar për shërim pasi ishte diagnostikuar me një sëmundje serioze.

Mësohet se kryetari i LDK-së ka arritur në Aeroportin Ndërkombëtar të Prishtinës rreth orës 19:00 të së shtunës, përcjell albinfo.ch.

Mustafa kishte shkuar në Gjermani ku ishte shtrirë në një klinikë në fillim të këtij viti, pasi i ishte përkeqësuar shëndeti.

Gjatë kësaj kohe, partia që ai drejton kishte funksionuar pa kryetar, ndërsa ishte përfolur shpesh që dikush tjetër mund ta marrë pozitën e Mustafës me largimin e tij.

Kthimin e tij në Kosovë ditëve të fundit e kanë paralajmëruar edhe shumë zyrtarë të Lidhjes Demokratike, por pa e saktësuar ditën kur ai do të vjen.