Raundi i ri i bisedimeve për emrin mbahet në Ohër

Ministri grek i Punëve të Jashtme, Nikos Koxias sonte në Ohër do të ketë takim me kolegun e tij të Maqedonisë Nikolla Dimitrov, si pjesë e raundit të ri të negociatave për tejkalimin e problemit që Greqia e ka me emrin kushtetues të Maqedonisë.

Të dy diplomatët para takimit theksuan se presin progres pozitiv në bisedimet, në drejtim të përafrimit të mëtejmë të pozitave, por larg zgjidhjes për të cilat Athina insiston për ndryshime kushtetuese për të cilat Maqedonia konsideron se janë të panevojshme.

“Shpresoj për progres dhe mendoj se sjellja e Greqisë dhe Maqedonisë në lidhje me procesin sinjalizon se procesi është në fazë delikate dhe jemi të fokusuar pikërisht në këto bisedime. Shpresoj se do të na ndihmojë që ky raund po mbahet në Ohër”, deklaroi Dimitrov para takimit, përcjell albinfo.ch.

Shefi i diplomacisë greke në Beograd para se të udhëtojë për në Ohër tha se është bërë një hap përpara në zgjidhjen e kontestit. Nikos Kotzias gjatë ditës do ta vizitojë edhe Kosovën.