Edhe në Kosovë protestohet për 1 Maj

Bashkimi i Sindikatave të Pavarura të Kosovës ka vendosur që këtë vit në Ditën Ndërkombëtare të Punës, 1 Maj, të organizojë protestë. “Qeveri, boll mooo! Zbato ligjin!”

Le të protestojmë, e jo të festojmë!” është moto e kësaj proteste, përcjell albinfo.ch.

BSPK-ja thotë se punëtorët dhe punëtoret në Kosovë përballen në baza ditore me padrejtësi dhe moszbatim të ligjit, andaj është koha që të gjithë së bashku të ngremë zërin.

“Bashkimi i Sindikatave të Pavarura të Kosovës u bënë thirrje të gjithë atyre që përballen me mohim të së drejtës për punë, mohim për pagë të dinjitetshme, siguri dhe shëndet në punë, t‘i bashkohen protestës gjatë Ditës Ndërkombëtare të Punës. Protesta do të fillojë në orën 11:00 te Sheshi “Zahir Pajaziti”, për të vazhduar drejt Teatrit Kombëtar, te ndërtesa e Qeverisë së Kosovës”, thuhet në njoftim.