Hamza premton përkrahje financiare për rregullimin e memorialëve

Ministri i Financave të Kosovës, Bedri Hamza, i ka premtuar mbështetje financiare drejtorit të Agjencisë për Menaxhimin e Komplekseve Memoriale të Kosovës, Idriz Blakaj, për të përmirësuar  gjendjen e komplekseve memoriale në vend.

Hamza ka thënë se ekzekutivi do t’i japë theks të veçantë kompleksit memorial të familjes Jashari. Hamza gjithashtu tha se aktualisht janë një milion euro në shfrytëzim, dhe se për mjetet shtesë, të cilat duhen për realizimin e projektit për kompleksin Adem Jashari do të ndahen sipas kërkesës dhe nevojave që do të ketë kjo agjenci, përcjell albinfo.ch.

Ndërsa, drejtori i Agjencisë për Menaxhimin e Komplekseve Memoriale të Kosovës, Idriz Blakaj, falënderoi ministrin Hamza për gatishmërinë e tij për të mbuluar financiarisht shpenzimet sa u përket memorialëve.