Salihi si vera, sa më i vjetër, aq më i mirë

34-vjeçari ka 21 gola në këtë sezon, aq sa ka edhe Chabbi i Riedit

Neustadt ka arritur një tjetër fitore në Ligën e Dytë austriake, me rezultat 2:1 në shtëpi përballë Kapfenbergut, dhe protagonist ishte edhe sulmuesi shkodran, Hamdi Salihi.

Sulmuesi shqiptar shënoi në minutën e 17-të, golin e barazimit, pasi që në minutën e 6-të, mysafirët kishin kaluar në epërsi me Geisler, shkruan albinfo.ch.

Në pjesën e dytë, golin e fitores për vendasit e shënoi Ebenhofer. Salihi shënoi golin e 21-të këtë sezon, dhe mban skuadrën pranë vendeve të para. Neustadt renditet në vendin e katërt me 57 pikë, aq sa ka edhe vendi i tretë, që dërgon në “Play-off”, kurse vendi i dytë që dërgon në Ligën e Parë ka 59 pikë, dhe mbahet nga Hartberg.

34-vjeçari ka 21 gola në këtë sezon, aq sa ka edhe Chabbi i Riedit, dhe këta dy lojtarë do të luftojnë për titullin e golashënuesit më të mirë.