Një mjeke nga Lucerni, nuk ka dashur t`i ofrojë përkujdesje një shtetasi gjerman me prejardhje tuneziane. Ajo është arsyetuar se ai nuk flet gjermanisht. Nga fundi i muajit prill, shtetasi gjerman kishte kërkuar një mjek pas një “depresioni të mesëm deri te ai i rëndi”. Tani disa vite, specialisti i informatikës jeton në Zvicrën Qendrore.

Gjatë kërkimit për ndihmë mjekësore, ai shkoi tek një psikiatre në Lucern. Ai e kontaktoi me shkrim, ndërsa e pranoi përgjigjen me e-mail. Për momentin, psikiatrja nuk ka pranuar pacientë me prejardhje migrimi. Në pyetjen e “Tages-Anzeigers”, ajo ka precizuar se: “Nuk është e mundur të bëhet psikoterapi pa e njohur rrënjësisht gjuhën, edhe atë gjuhën gjermane (gjuhën e Goethe), të vetmen gjuhë me të cilën unë përkudjesem për pacientë”.

Shoqata e mjekëve ka pohuar se në esencë, jo vetëm që vlen përzgjedhja e lirë e mjekut, por edhe anasjelltas, mjeku mund të përzgjedhë pacientin, përcjell Albinfo.ch.

Nga ana tjetër, kryetari i shoqatës së mjekëve nga Lucerni, ka deklaruar se që para trajtimit mjekësor, mjeku dhe pacienti duhet të merren vesh se në çfarë gjuhe do të komunikojnë. Fundi-fundit, komunikimi në mjekësi luan një rol qendror. Por, psikiatrja nuk i ka bërë këto përpjekje, përndryshe do të bindej se shtetasi gjerman e flet në mënyrë të shkëlqyeshme gjuhën gjermane.

Në mënyrë më të qartë janë pozicionuar organizatat përkatëse kundër racizmit dhe mbrojtjes së pacientëve të cilat e kanë dënuar rastin.