Poltikbërja në Ballkan llogaritet si ofendim

Nga shumë qytetarë të Ballkanit, politikbërja llogaritet si ofendim. Aktivistët që punojnë për mjedisin, mohojnë se veprojnë në mënyrë politike. Por prapa kësaj qëndron një koncept i shkurtuar i politikës

Papritmas, errësohet shprehja e ministrit të Mjedisit të Malit të Zi: “Çfarë ata po bëjnë është politikë!” Ne jemi ulur në një ndërtesë të Qeverisë së Malit të Zi. Jemi duke biseduar për ambientalistët që duan të shpëtojnë një parajsë të shpendëve në bregdet. Ministri sapo ka përdorur klubin argumentues me të cilin politikanët në Ballkan kanë të bëjnë me çdo organizatë joqeveritare dhe çdo lëvizje qytetare. Këta nuk janë të pafajshëm. Shumica e aktivistëve argumentojnë me forcë se nuk janë duke vepruar politikisht. Jo, pohojnë ata, ne po flasim për zogjtë, biodiversitetin dhe bukurinë e natyrës – por sigurisht jo për politikë!

Sa është kjo e çuditshme është edhe e rëndësishme. E çuditshme, sepse angazhimi për integritetin e natyrës dhe pajtueshmërinë me ligjet mjedisore në të vërtetë nuk mund të jetë asgjë, përpos politikë. E rëndësishme, sepse këtu është shprehur një kuptim i veçantë i politikës. Politika është biznesi i të tjerëve për qytetarët e Ballkanit. Ata vetëm e shikojnë atë. Rregulli i lojës është: Zmadhojeni fuqinë tuaj, shkruan “NZZ”, transmeton Albinfo.ch. Politikanët i përdorin ato për të ndjekur interesat e klikave të tyre dhe për të përmbushur nevojat e familjeve të tyre – shpesh në kurriz të opinionit të gjerë. Vetëm një grup i vogël është i përfshirë në lojë dhe herë pas here sfidohet nga një grup i prapambetur, i quajtur opozitë, që ndjek të njëjtin qëllim. Fakti që një qytetar vazhdon të distancohet nga politika, konsiderohet si moralisht i dobishëm.

Si rezistencë të nacionalizimit të aeroportit të qytetit jugor serb të Nishit, përgjigjja ka ardhur menjëherë nga Beogradi. Është thënë se në mesin e protestuesve ka pasur edhe politikanë të opozitës. Në këtë mënyrë, lufta për aeroportin ka qenë vetëm politike.