Shtatë fqinjë e akuzojnë të tetin, për një karrige

Zënkë për një karrige: Shtatë fqinj e kanë akuzuar të tetin, pasi ka ndërtuar pa leje. Gjykatësi i Gjykatës rajonale të Bremgartenit ka qenë në anën e tyre, mirëpo padia e tyre ishte e pashpresë

Alois (emri i shpifur) me dëshirë të madhe shikon nga lumi Reuss. Më me kënaqësi nga karriga e tij. Karriga e cila nuk ka guxuar të vendoset në këtë mënyrë dhe të cilën fqinjët e tij nuk do ta tolerojnë. Para disa vitesh, Alois e kishte blerë një apartament në një godinë të përbashkët banimi, shkruan “Aargauer Zeitung”, përcjell Albinfo.ch.

Në këtë lokacion nuk janë paraparë të vendosen karrige. Me përjashtim të ndokujt që e ka të drejtën e veçantë të përdorimit, të cilën Alois nuk e ka. Mu për këtë arsye, ai është gjendur para gjykatës.

Shtatë fqinjët e tij e kanë denoncuar, pasi ai nuk ka pasur të drejtë ta vendosë karrigen aty. Problemi ka qenë shpeshherë edhe temë e pleqësisë së godinës, e cila ka vendosur që karriga të hiqet, duke i dhënë Aloisit një afat deri në gusht të vitit të kaluar. Mirëpo, ai nuk e përfilli këtë afat, ndërsa gjykatësi e pyeti: “Përse?!”, “Nuk dua, pasi dua ta shikoj rrjedhën e lumit Reuss”. Ashtu se ashtu, askush nga fqinjët nuk e përdorin kopshtin e godinës.

“Nuk është i vetmi që do ta shohë rrjedhën e lumit, por ne të tjerët iu përmbahemi rregullave shtëpiake. Duam që ai personalisht ta demontojë karrigen e vendosur, ose ta fitojmë të drejtën që ne ta heqim”, ka deklaruar njëri nga fqinjët.

Gjykatësi ka qenë në anën e denoncuesve, mirëpo e ka dëgjuar edhe palën mbrojtëse. Avokati i Alois ka pohuar se ai nuk e ka lënduar askënd dhe karriga nuk është e vendosur në një vend që i takon ndonjë karrigeje tjetër, por në kopshtin e përbashkët të ndërtesës. Prandaj, gjykatësi e ka hedhur poshtë padinë e fqinjëve.

Ai i ka këshilluar fqinjët që këtë temë ta debatojnë në ndonjë mbledhje të pleqësisë së godinës ose të këshillohen me ndonjë avokat.