Scott e Delawie reagojnë për incidentin në Pjetërq të Klinës

Edhe ambasadori amerikan në Prishtinë, Greg Delawie ka reaguar lidhur me incidentin në fshatin në Pjetërq të Klinës, ku vizita e një grupi prej 50 serbëve në këtë fshat, u prit me protesta nga shqiptarët që kishin bllokuar rrugën.

“Qytetarët e Kosovës duhet të angazhohen për të ardhmen. Të kthyerit duhet të jenë në gjendje të udhëtojnë në mënyrë të sigurt. I gëzuar që Policia e Kosovës e menaxhoi incidentin e Klinës, por kjo nuk duhet të ishte e nevojshme. Dhuna nuk është përgjigje; një përpjekje serioze në pajtim është e nevojshme për të arritur qëllimet e Kosovës”, ka shkruar Delawie, përcjell albinfo.ch.

Për këtë incident ka reaguar edhe Ambasadori i SHBA-së në Beograd, Kyle Scott. Ai tha se incidenti thekson nevojën për një marrëveshje për normalizim marrëdhëniesh ndërmjet Kosovës dhe Serbisë.