Qetësohen tifozët, Xhaka do të jetë në Botëror

Xhaka u lëndua gjatë një dueli me mesfushorin shqiptar Valon Behrami, gjatë stërvitjes së sotme

Keystone

Granit Xhaka ka lënduar sot gjurin e majtë gjatë stërvitjeve. Ekipi i SFV-së në fillim ishte i shqetësuar, megjithatë, ka sqaruar se tifozët mund të marrin frymë lirshëm, pasi ai do të jetë në Botëror me Zvicrën.

Ekzaminimet kanë treguar se ai nuk është lënduar rëndë, dhe kështu pritet të jetë i gatshëm për Kampionatin Botëror, përcjell albinfo.ch.

Ai do të pushojë vetëm disa ditë, dhe nuk do të luajë në miqësoren e së dielës ndaj Spanjës, por do të luajë në Kampionatin Botëror (14 qershor deri më 15 korrik).

Xhaka u lëndua gjatë një dueli me mesfushorin shqiptar Valon Behrami, gjatë stërvitjes së sotme. Stërvitja është zhvilluar në kushte të rënda për shkak të reshjeve të mëdha të shiut. Ai u detyrua të largohej nga fusha, i ndihmuar nga mjekët e ekipit.

Shqetësimet janë larguar. Xhaka në karrierën e tij nuk ka pasur lëndime, duke munguar vetëm disa ditë.

Më së rëndi ishte lënduar në vjeshtë të vitit 2014, kur mungoi tre javë për shkak të ligamentit të shqyer në kyçin e këmbës.

https://twitter.com/GrimandiTweets/status/1002253895299665925