E-Diaspora
Autobusi pa vozitës merr teposhtëzen, udhëtarët kërcejnë jashtë
Skenar horrori ishte zhvilluar asaj dite në transportin publik të St. Gallenit: Autobusi fillon të lëvizë, por vozitësi nuk është mbi timon.
Një ngjarje e tillë kishte ndodhur kohët e fundit në St Gallen. Disa pasagjerë madje kanë kërcyer nga autobusi në lëvizje.
Drejtori i Transportit publik të qytetit (VBSG) Ralf Eigenmann, për të përditshmen zvicerane “Tagblatt” e ka konfirmuar incidentin, transmeton Albinfo.ch. Ngjarja kishte ndodhur në fund të qershorit në stacionin në rrugën “Berneggstrasse” të St. Gallen.
Shoferi i VBSG kishte dalur nga autobusi pasi dera e pasme nuk mund të mbyllej, madje as edhe me dorë. Prandaj ai vendso ta fikë pjesën e majtë të autobusit përmes ndërprerësit kryesor.
Megjithatë, një veprim i tillë shkaktoi pasoja pasi freri i dorës u lirua. Zakonisht, ai aktivizohet në çdo ndalesë nga shoferi, së bashku me zhbllokimin e dyerve.
Në rastin aktual, vozitësi nuk ka pasur kontroll në frerin e dorës. Dhe në këtë mënyrë, autobusi filloi të lëvizë me shpejtësi në rrugën e pjerrët.
Më në fund, vozitësi ka arritur ta ndalë automjetin duke tërhequr frenin e duarve përmes dritares së shoferit që ka qenë e hapur.
“Kjo sjellje është shumë neglizhente”, ka pohuar Eigenmann. Se çfarë pasoja do të ketë për vozitësin, ai nuk ka mundur të përcaktojë. Nga ana tjetër, vozitësi është penduar thellë për këtë incident.
Gjatë kërcimit nga autobusi, disa udhëtarë janë lënduar. Shpezimet e kurimit të tyre do t`i mbulojë VBSG.
“Jo vetëm për shkak se duhet, por për shkak se ndjehemi moralisht të detyruar ta bëjmë këtë”, thotë Eigenmann. Ndaj shoferit nuk është bërë ndonjë denoncim.
Të ngjashme
Të tjera nga E-Diaspora
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
“Deputetët nga këto shtete janë kundër anëtarësimit të Kosovës në KiE”
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Linja ajrore SWISS rifillon fluturimet e saj drejt Iranit Pas pezullimit të operacioneve të saj në Bejrut dhe anashkalimit të hapësirës ajrore iraniane që nga...
-
Udhëtimi me tren nga Zvicra në këto qytete italiane do të ndërpritet për tre muaj
-
Mentor Latifi është emëruar ambasador i ri i Kosovës në Zvicër
-
Zvicër: Votimi i shtrenjtë për ligjin për furnizimin me energji elektrike
-
Policia e Thurgau-ut, me apel interesant