Dioksina nuk ka depërtuar në Zvicër

Siç pohojnë importuesit zviceranë të prodhimeve ushqimore nga Gjermania, në tregun zviceran nuk kanë depërtuar ushqimet e kontaminuara

Skandali që ka shpërthyer ditëve të fundit në Gjermani lidhur me dioksinën në ushim, ka shqetësuar me të drejtë edhe konsumatorët zviceranë. Mirëpo, siç pohojnë importuesit kryesorë zviceranë të prodhimeve ushqimore nga Gjermania, si Migros, Coop, Aldi-Suisse dhe Lidl Schweiz, në tregun zviceran nuk kanë depërtuar ushqimet e kontaminuara.

Kjo, siç pohojnë ata, me gjithë faktin se prodhimet më të dyshuara për kontaminim, siç janë vezët dhe mishi i pulës, Zvicra i importon nga Gjermania edhe në trajtat e tyre të përpunuara në brumëra etj.

Nga ana tjetër, Enti Federal i Shëndetësisë ka përforcuar masat e kontrollit ndaj përpunuesve të prodhimeve të caktuara me prejardhje nga Gjermania.