Thaçi : Ish presidenti Bush ia bëri të qartë Milosheviqit se Kosova është vijë e kuqe për SHBA.

Presidenti i Kosovës , Hashim Thaçi ka shprehur ngushëllime për vdekjen e Presidentit të 41 të Shteteve të Bashkuara të Amerikës dhe ka thënë se Bush qysh në fillim të viteve ’90 ia bëri të qartë Milosheviqit se Kosova është vijë e kuqe për SHBA.

“Kosova dhe shqiptarët do ta kujtojnë si president të parë, që qysh në fillim të viteve ‘90 ia bëri shumë qartë regjimit të Milosheviqit, me Vërejtjen e Kërshëndellave, se Kosova është vijë e kuqe për SHBA”, ka shkruar Thaçi, përcjell albinfo.ch

Ai gjthashtu ka thënë se ish Presidentin do ta kujtojmë si patriot të pashoq dhe shembull të përkushtimit.

“SHBA dhe bota do ta kujtojnë si patriot të pashoq dhe shembull të përkushtimit për të punuar për fuqizimin e demokracisë botërore dhe përhapjen e vlerave të lirisë. Bashkëndjejmë me familjen Bush dhe tërë popullin amerikan në këtë humbje të madhe”, ka thënë Thaçi.