Plagos dy rumunë, arrestohet pas një operacioni të madh me helikopterë

Pas një mosmarrëveshje, një shqiptar nga Kosova (42) ka plagosur dy rumunë, njëri është në gjendje të rëndë, derisa tjetri ka pësuar lëndime më të lehta, përcjell albinfo.ch.

Sipas mediave austriake, i dyshuari, Jeton N. është kapur nga policia, pas një kërkimi të madh me helikopter.

Të tre burrat ishin në një kopsht të një shtëpie, ku po jetonte njëri nga dy rumunët, në Amstetten, dhe pas një mosmarrëveshje, 42-vjeçari ka gjuajtur me pistoletë, duke plagosur rëndë një rumun 41-vjeçar, derisa një rumun tjetër 25-vjeçar ka pësuar lëndime më të lehta.

Jetoni ishte arratisur, megjithatë mbi 60 policë ishin në gjendje ta arrestonin, me ndihmën edhe të helikopterëve.

Të tre burrat e njihnin njëri-tjetri dhe kishin pasur mosmarrëveshje për një grua ose për para.

I arratisuri do të intervistohet, ashtu si edhe dy të plagosurit, megjithatë, asnjëherë prej tyre nuk di gjermanisht.