Sa fitojnë anëtarët e Këshillit Federal në Zvicër

Në Zvicër janë shtatë këshilltarë federalë (min istra) që udhëheqin vendin apo marrin vendimet më të rëndësishme.

Një anëtar i Këshillit Federal fiton 1319 franga në ditë, 40 118 franga në muaj dhe 481,417 franga (bruto) në vit, shkruan albinfo.ch.

Të shtatë këshilltarët federalë kanë edhe përfitime shtesë. Dhe më e rëndësishmja, marrin një pension mjaft të madh.

Anëtarët e Këshillit Federal të Zvicrës paguhen katër herë brenda viti, në katër këste.

Paga bazë vjetore plotësohet nga 30.000 franga të tjera të liruara nga tatimi në formë të ndihmës së përfaqësimit dhe një kompensim për shpenzime.

Gjatë vitit të tij presidencial, Presidenti Federal (aktualisht Ueli Maurer) merr kompensim shtesë në shumën 12,000 franga, shkruan tutje albinfo.ch.

Anëtarët që kanë dhënë dorëheqje ose janë larguar, paguhen më shumë se 222,000 franga në vit, pavarësisht se sa larg janë ende nga mosha e daljes në pension.