Robert Downey JR, do të shpallet legjendë e “Disneyt”

Robert Downey Jr. do të nderohet me mirënjohjen “Disney Legend”.

Aktori do të njihet me punën e tij në ekranizimin e Tony Stark/Iron Man në filmat e Marvel Cinematic Universe, të cilët janë pronë e “Disney-t” dhe kjo në ngjarjen “D23 Expo” në gusht të 2019-s.

Jon Favreau, personi që e angazhoi aktorin për rolin në fjalë dhe e ka bërë regjinë dhe luajti në dy filmat e parë të Iron Man, gjithashtu do ta marrë po të njëjtin çmim.

Robert e ka luajtur miliarderin “playboy”, i cili bëhet superhero për herë të fundit në filmin e muajit të kaluar (prill 2019) “Avengers: Endgame”, vazhdimin e 22-të në franshizën që nisi me rolin e tij në Iron Manin e vitit 2008, transmeton albinfo.ch.

Aktori zanor i Darth Vader, James Earl Jones, kompozitori i filmit Hans Zimmer, Bette Midler, transmetuesja e ABC News, Diane Sawyer dhe aktorja Mulan Ming-Na Wen janë gjithashtu ndër ata, që do të nderohen në “D23”.