Rama: Ma bënë vëllanë hero të rremë

Kryeministri i Shqipërisë, Edi Rama thotë se vëllai i tij Olsi u sajua nga mediet serbe, si hero i rremë i Ballkanit. Ai tha se qëllimi ishte që të anulohet vizita në Serbi

Kryeministri i Shqipërisë, Edi Rama vazhdon ta mohoj çdo lidhje të vëllait të tij, Elsi Ramës me ngritjen e fluturakes (dronit) në stadiumin e Partizanit në Beograd me flamurin e “Shqipërisë Etbnike”. Rama thotë se vëllai i tij u sajua nga mediet serbe, si hero i rremë i Ballkanit Perëndimor.

Këtë deklaratë Rama i ka bërë gjatë takimit që zhvilloi me ish-kryeministrin e Italisë Romano Prodi. “Nuk e njeh askush autorin e dronit, vëllait tim i ra rasti të hyjë në listën e heronjve të Ballkanit fatkeqësisht”, ka deklaruar Rama.

Por, pavarësisht kësaj e përditshmja serbe “Kurir” thotë se ekzistojnë  xhirimet ku shihet se Olsi Rama, vëllai i kryeministrit të Shqipërisë, e dirigjon fluturaken që valoi flamurin e Shqipërisë së Madhe.

“Autoritetet serbe posedojnë xhirim gjatë ndeshjes Serbi – Shqipëri ku shihet qartë se Olsi Rama, nëpërmjet telefonit e dirigjon fluturaken që valoi mbi stadiumin e Partizanit të Beogradit”, deklaron Kurir.

Sipas kësaj të përditshme, autori i aktit është Ismail Morina, 32-vjeçar që merret me alpinizëm dhe ngjitje në shkëmbinj, i cili kishte përgatitur terrenin për ta futur fluturaken në stadium, ndërsa më pas komanda është marrë nga Olsi, vëllai i kryeministrit.

“Kurir” pretendon se ka prova që Morina i njohur si “Ballisti” njihej prej kohësh me Olsi Rama dhe që të dy kanë programuar deri në detaje planin për të future dronin në stadium.

Ndërkaq kryeministri Edi Rama ka thënë se akuza është bërë në emër të vëllait të tij, me qëllim, që ai ta anulojë vizitën në Beograd.

“Anulimi i vizitës nuk do ishte përgjigja e duhur. Shqipëria do të ishte humbësja më e madhe si investitorja dhe nga ana tjetër si kontributorja e Evropës së Frikës. Thonë se mos anulimin e vizitës e ka imponuar Brukseli, ka imponuar shumë, por jo këtë”, tha Rama.

Ndryshe, vizita e kryeministrit shqiptar ishte parashikuar të zhvillohet nesër me 22 tetor, por pas një bisede telefonike me homologun serb, Aleksander Vuçiq, vizata është shtyrë për 10 nëntor.