Tematike
Zvicra në vitin 2020 mund të punësojë 8500 veta nga vendet jashtë BE-së
Ky numër është i njëjtë sikur ai vitit që po shkon. Bëhet fjalë për 4000 leje të rregullta qëndrimi (B) dhe 4500 leje të shkurta qëndrimi (L)
Ndërmarrjet zvicerane edhe gjatë vitit që vjen do të kenë të drejtë të rekrutojnë 8500 punëtorë nga vendet jashtë BE-se dhe EFTA-s. Ky numër është i njëjtë sikur ai vitit që po shkon. Bëhet fjalë për 4000 leje të rregullta qëndrimi (B) dhe 4500 leje të shkurta qëndrimi (L).
Me këtë vendim të marrë sot, kontingjentet (kuotat) për fuqinë punëtore nga vendet e treta mbeten të njëjta, bën të ditur Këshilli Federal në një komunikatë të shpërndarë sot, shkruan albinfo.ch. Vendimi në fjalë është marrë në marrëveshje me kantonet dhe përfaqësuesit e ekonomisë.
Kantonet që ndajnë kontingjente, kanë përshëndetur këtë vendim. Sipas tyre, ky vendim ka sjellë një zbutje të lehtë të gjendjes në tregun e punës. Këshilli Federal në vitin 2018 kishte pranuar ngritjen e kontingjenteve në fjalë pas kërkesave të bëra nga kantonet dhe nga ekonomia.
Krahas kësaj, Këshilli Federal ka vendosur edhe për mënyrën e veprimit të Zvicrës në rast të daljes pa marrëveshje të Britanisë së Madhe nga Bashkimi Evropian, shkruan albinfo.ch. Në atë rast, për punëtorët nga Britania e Madhe, Zvicra lë në dispozicion një kontingjent prej 3500 vendesh pune: 2100 me Vizë B dhe 1400 me vizë L.
Ndërkaq sa kohë që Britania e Madhe vazhdon të jetë brenda BE-së, për shtetasit e këtij vendi vlen marrëveshja për lëvizjen e lirë që vlen për të gjitha shtetet e BE-së, shkruan albinfo.ch. Po ashtu, nëse Britania e Madhe e lëshon BE-në me marrëveshje, Zvicra do të mundësojë që në një fazë kalimtare të vazhdojë të vlejë marrëveshja për lëvizjen e lirë edhe për shtetasit britanikë.
Të ngjashme
Të tjera nga Tematike
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
Pritet trafik i rënduar gjatë majit në Zvicër USTRA paralajmëron trafik të rënduar gjatë pushimeve, veçanërisht në autostradat A2 dhe A13, duke ju këshilluar...
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit