Tematike
Për herë të parë nga viti 2008 bie numri i zviceranëve që marrin ndihma sociale
Numri i njerëzve të regjistruar në fund të vitit 2017 si përfitues të ndihmave sociale ka qenë 272.700 ose 5600 më i vogël se ai i një viti më parë
Numri i personave në Zvicër të cilët marrin ndihma sociale të ashtuquajtura “ekonomike” në vitin 2018 ka shënuar një rënie. Është rënia e parë që nga viti 2008, bëhet e ditur në një komunikatë të lëshuar të hënën nga Zyra federale e Zvicrës për Statistikë.
Kështu, numri i njerëzve të regjistruar në fund të vitit 2017 si përfitues të ndihmave sociale ka qenë 272.700 ose 5600 më i vogël se ai i një viti më parë.
Në këtë statistikë nuk përfshihet ndihma sociale në sferën e azilit dhe refugjatëve, ku numri i përfituesve në fakt është rritur.
Në përgjithësi, në rreth gjysmën e kantoneve është ulur shkalla e të varurve nga ndihmat sociale. Vetëm në kantonet su Glarus, Jura dhe Valis ka pasur një ngritje në këtë drejtim, shkruan albinfo.ch.
Shkalla e përfituesve të ndihmave sociale në nivel vendi, në fund të vitit 2018 ka qenë 3.2 për qind ose për 0.1% më e ulët se një vit më parë.
Shkallë më të lartë të përfituesve nga ndihmat sociale kanë pasur kantonet si: Neuchatel, Basel-Stadt, Gjeneva, Vaudi dhe Berna. Ndërsa shkallën më të ulët kantonet: Uri, Schwyz, Unterwalden, Obwalden dhe Appenzell Innerhoden.
Ulje është arritur si në numrat absolutë të shfrytëzuesve të ndihmave sociale ashtu dhe në përqindjen në raport me numrin e banorëve.
Sikurse edhe më parë, një shkallë më e lartë e rrezikut për t`u bërë rast social ekziston në qytete se sa në fshatra, transmeton albinfo.ch. Ndërsa kategoritë më të rrezikuara në këtë drejtim janë: personat e mitur, të shkurorëzuarit dhe të huajt.
Nga ana tjetër, sa më e lartë shkalla e arsimimit , më e madhe mundësia për t`iu shmangur ndihmave sociale. Mirëpo, ky rregull nuk vlen te personat mbi 56 vjeçarë. Ata edhe kur kanë shkallë të lartë të arsimit, rrezikohen për të “rrëshqitur” në ndihma sociale.
Të ngjashme
Të tjera nga Tematike
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Air India kthehet në Cyrih pas më shumë se 25 vitesh Pas një mungese të gjatë, “Air India” po kthehet në aeroportin e Cyrihut. Nga 16 qershori,...
-
Cyrih
Aeroporti i Cyrihut, më i pastërti në Evropë
-
Operacioni Pandora: Qendrat e thirrjeve mashtruan edhe në Zvicër
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?