Sport
Ademi më afër Zvicrës, por ende ka shpresë edhe për Kosovën
Asnjë sulmues i Zvicrës nuk ka realizuar gola sa Kemal Ademi këtë edicion. Ademi ende nuk ka vendosur përfundimisht se për cilën përfaqësuese do të luajë, por gazeta e madhe zvicerane “Blick”, ka lënë të kuptohet se ai do të zgjedhë Zvicrën.
Ademi 23-vjeçar, është me prejardhje nga Kosova, është i lindur në Gjermani dhe i rritur në Zvicër. Aktualisht po luan për Baselin dhe po shfaqet me shumë sukses. Ka shënuar 10 gola në 22 paraqitje zyrtare në këtë edicion me skuadrën zvicerane, shkruan Koha.net
Ai ka pasaportë zvicerane, por nuk e ka ende të drejtën të luajë për Zvicrën. Sipas “Blick”, shtatlarti do të mund të ishte lojtar i rëndësishëm i Zvicrës në Evropianin e këtij viti. Përgjegjësit në Federatën zvicerane ka kohë që po e përcjellin Ademin. Sipas “Blick”, ai tashmë do të ishte duke luajtur për Zvicrën sikur të mos kishte telashe me dokumentacion.
Ademi nga mosha gjashtëvjeçare jeton në Zvicër, por ka lindur në Gjermani dhe disa vite i ka kaluar në Kosovë.
“Ndonëse ka pasaportë zvicerane, FIFA-s duhet t’i dëshmohet që është zviceran. Është si për brazilianët e natyralizuar nga Katari”, ka thënë për “Blick”, Renato Cedrola, këshilltar i Ademit. Ai është i bindur se Ademi së shpejti do të fitojë të drejtën nga FIFA që të luajë për Zvicrën.
Sipas “Blick”, dokumentacioni i 23-vjeçarit do të kompletohet para Evropianit. Federata gjermane ka dhënë pajtimin, ndërsa Ademi dhe Federata zvicerane po presin pajtimin nga Kosova, përcjell Albinfo.ch
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla