Lajme
Zvicër: Sa ditë qëndrojnë pacientët në spitale
Në vendet e BE-së, shteti ku pacientët qëndrojë në shumë ishte Hungaria, me 9.8 ditë
Një pacient shqiptar qëndroi jo më shumë se 5.5 ditë i shtruar në spital, thuajse gjysma e ditëve të qëndrimit të të sëmurëve në vendet e rajonit dhe 2-3 ditë më pak se mesatarja e qëndrimit të një qytetari të Bashkimit Europian.
Mesatarisht në Malin e Zi një i sëmurë qëndron në spital 8 deri në 9 ditë, ndërsa në Serbi ditët mesatare të qëndrimit në spital përllogariten të jenë gati 10 ditë, sipas të dhënave të tjera të Eurostat, transmeton Monitor.
Bazuar nga të dhënat e INSTAT në dy vjetët e fundit ditët mestare të qëndrimit të një sëmuri kanë qenë në rritje në Shqipëri, përcjell albinfo.ch.
Kështu më 2018 ditët e qëndrimit të të sëmurit u rritën në 5.5 nga 5.4 që ishin në 2017-n dhe 5.3 në 2016-n.
Në vitin 2018, numri i spitaleve publik dhe jopublik në vend është 55, nga të cilët 42 janë spitale shtetërore dhe 13 spitale private. Në spitalet shtetërore në total numërohen në të gjithë vendin 8,185 shtretër, sipas INSTAT.
Mbulimi i shërbimit spitalor publik dhe jopublik është 2 spitale për 100 mijë banorë dhe numri i shtretërve spitalorë publik dhe jopublik është 8.868 (3 shtretër për 1.000 banorë).
Ditët e qëndrimit mesatar të një pacienti janë 5,5 ditë në vit me një xhiro të shtratit 33,8 herë pacientë në vit. Shfrytëzimi i shtratit për kujdes shëndetësor gjatë vitit 2018 është 186,7 ditë, të cilat përbëjnë 51,1 % të ditëve kalendarike të këtij viti.
Sa gjatë qëndrojnë të sëmurët në spital në BE?
Në Bashkimin Evropian, koha mesatare e shtrimit në spital e të sëmurëve varionte nga 4.5 ditë në Holandë, 5.3 ditë në Bullgari dhe 5.5 ditë në Danimarkë, në 9.1 ditë në Francë, 9.6 ditë në Çeki dhe 9.8 në Hungari.
Ndërkohë, në Zvicër ditët mesatare të qëndrimit në spital janë 8.3, duke hyrë në mesin e vendeve mesatare, kurse më së paku qëndrojnë në Turqi, apo 4.2.
Megjithatë sipas të dhënave të Eurostat janë regjistruar më shumë paciente femra, gjatësia mesatare e qëndrimit të pacientëve meshkuj ishte në përgjithësi më e gjatë në shtetet anëtare.
Të ngjashme
Të tjera nga Lajme
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore