Lajme
Artin Fuga, kandidat për deputet në Këshillin Bashkiak të Kriens në Zvicër
Shumë shqiptarë nga Zvicra kanë shpallur kandidaturën për zgjedhjet kantonale në Zvicër. Së fundmi, është bërë e ditur se i riu nga Ferizaj kandidon për deputet në zgjedhjet lokale në Kriens, në kantonin e Lucernit
Artin Fuga, 25-vjeçar, me prejardhje nga qyteti i Ferizajt, është kandidati i vetëm shqiptar që kandidon për Këshillin Bashkiak të Kriens në kantonin e Lucernit në kuadër të FDP-së (Partia Liberale).
Shqiptari nga Kosova, Artin Fuga, për të parën herë është pjesë e listës së kandidatëve në garë për zgjedhjet kantonale të cilat do të mbahen në zonën elektorale të Lucernit më 9 mars 2020, shkruan albinfo.ch.
Ai ka lindur në Ferizaj, më pas ka emigrar në Zvicër dhe ka përfunduar shkollën në Kriens, ndërsa tani zhvillon një biznes të tij “Bodenleger” dhe ushtron veprimtari të pavarur.
Artin Fuga ka treguar për Albinfo.ch, edhe për plan-programin e tij në partinë FDP, që fokusimi i tij do të jetë në uljen e tatimeve, uljene përqindjes sociale dhe mbrojtjen e të rinjve.
“Plan-programi im do të jetë me disa fusha, veçmas në mos rritjen e tatimit (Steuer tek populli, të lihen investimet e panevojshme të cilat janë ndërrmarrë në qytetin e Kriens-it, pastaj ulja e tatimit është me rëndësi për popullin dhe për vullnetin për të banuar në Kriens. Po ashtu, duhet të ulet përqindja e personave të cilët marrin ndihma sociale dhe ta mbrojmë rininë tonë nga rrugët e joligjshme veçmas nga lojërat e fatit të cilat luhen në shumë vende të fshehuara dhe pikërisht kur mbrojmë rininë tonë, ne mbrojmë edhe të ardhmen tonë”, është shprehur Fuga.
Vlen të theksohet se ferizajasi Artin Fuga, ka 4-5 vite që e përcjell FDP dhe kandidimi i tij ka ardhur pikërisht për faktin se ndan vlera të njëjta me këtë parti, duke mos pasur rëndësi prejardhja, por idealet, zhvillimi profesional dhe premtimet e tij karshi kësaj partie.
Po ashtu, Artini është shumë i lidhur shpirtërisht dhe emocionalisht me Kosovën, pasi që ka kaluar një pjesë të bukur të rinisë atje dhe tregon se zemra i rrah ndryshe kur prek tokën e Kosovës, ku jetojnë edhe shumë familjarë të tij. /Albinfo.ch
Të ngjashme
Të tjera nga Lajme
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Cyrih
Aeroporti i Cyrihut, më i pastërti në Evropë Dhjetë aeroportet më të pastra në botë...
-
Operacioni Pandora: Qendrat e thirrjeve mashtruan edhe në Zvicër
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich