Samsung Galaxy A71 5G pritet të vijë me 8 GB RAM dhe procesor Exynos (Video)

Gjiganti jug-korean i teknologjisë, Samsung, ka prezantuar modelet e reja Galaxy A51 dhe Galaxy A71 në muajin nëntor të vitit të kaluar, ndërsa tani është duke u përgatitur që të lansojë së shpejti versionet e tyre 5G.

Samsung Galaxy A51 5G gjatë muajit të kaluar është shfaqur në uebfaqen e njohur “Geekbench”, ku janë zbuluar disa nga specifikat e tij kyçe, shkruan gsmarena. Tani, edhe Galaxy A71 5G është shfaqur në të njëjtën uebfaqe.

Galaxy A71 5G, me numër të modelit SM-A7160, pritet t’i drejtohet Kinës si dhe do të ketë procesor Exynos 980 SoC – me të njëjtin procesor që do ta ketë edhe Galaxy A51 5G, transmeton Koha.net. Po ashtu, ky model do të punojë me sistemin operativ Android 10 me ndërfaqen e përdoruesit One UI 2.0, do të ketë 8 GB RAM memorie, ndërsa memoria e brendshme ende nuk është konfirmuar.

Gjithashtu, spekulohet se Samsungu do ta lansojë Galaxy A71 5G-n në SHBA, Kinë, Australi, Zelandë të Re, si dhe në disa shtete evropiane, por nuk ka ndonjë datë të caktuar.

Në videon më poshtë, mund të shikoni se si duket dhe si funksionin Galaxy A71, përcjell Albinfo.ch.