Lajme
Klubi i shahut “Arbëria” realizon ëndrrën: Kualifikohet në ligën A të shahut në Vjenë
Klubi i shahut “Arbëria” në Vjenë është një nga storiet më të suksesshme të shqiptarëve në Austri. Të shtunën ka përfunduar kampionati ekipor në ligën – B të Vjenës. Ekipi i klubit “Arbëria” pas një lufte të fortë sportive me ekipe të njohura austriake të Vjenës, arrin që përfundimisht të renditet në vendin e parë. Ata arritën këtë suksese pas gjashtë fitoresh dhe një barazimi duke grumbulluar kuotën e 35,5 pikëve.
“Pas turneut ndërkombëtar të shahut në tetor të vitit të kaluar,organizuar nga klubi i shahut “Arbëria” në bashkëpunim me federatën e shahut në Vjenë, ky është suksesi i dytë i madh i klubit tonë, dhe kjo për meritë të gjithë shahistëve tanë luftarakë”, thotë për albinfo.ch, trajneri i ekipit të shahistëve shqiptarë, Agron Cika.
Sezonin e ardhshëm (2020-2021), klubi i shahut ”Arbëria” do të jetë pjesë e garës sportive në ligën A të Vjenës ku do të garojnë pothuajse me elitën e sportit të shahut në Vjenë.
“Si trajner i ekipit të parë “Arbëria”, dua të falënderoj përzemërsisht të gjithë shahistët tanë për përpjekjet e tyre dhe shpirtin luftarak në arritjen e këtyre rezultateve historike. Gjithashtu, falënderoj edhe të gjithë sponsoret shqiptarë të cilët kanë mbështetur këtë klub nga fillimi e deri më tash.
Që nga viti 2013 klubi “Arbëria” merr pjesë në kampionatin e shahut të Vjenës, dhe atë, që nga viti 2016 me dy ekipe: njëri tashme do të garon në ligën A të Vjenës e tjetri në ligën e katërt të këtij qyteti, raporton Albinfo.ch
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Zvicër: Gjobiten rëndë dy shoferë, pasi postuan videot në rrjetet sociale Dy drejtues mjetesh kanë postuar veten duke vozitur me shpejtësi të lartë në rrjetet sociale dhe...
-
Swisscom gjobitet me 18 milionë CHF
-
Ideja që i bashkon të gjitha partitë politike
-
Mori 1000 franga para bankomatit, 75-vjeçarja detyrohet t’i kthejë
-
Fitimet e Bankës Kombëtare të Zvicrës kthehen në nivel rekord