Bashkëpunimi gjermano-shqiptar në menaxhimin e krizave

Ambasada gjermane falënderon qeverinë shqiptare për ndihmën në riatdhesimin e turistëve gjermanë të bllokuar në Shqipëri

Ambasada Gjermane në Tiranë ka shkruar se të gjithë duhet të jemi të bashkuar në këtë pandemi, e cila po prek të gjitha vendet e botës. Sipas kësaj ambasade, veçanërisht e rëndësishme është që secili prej nesh të zbatojë masat për të ngadalësuar përhapjen e virusit. Por ne gjithashtu kemi nevojë për kohezion midis vendeve tona, transmeton albinfo.ch.

Po ashtu, ambasada gjermane falënderon qeverinë shqiptare për ndihmën në riatdhesimin e turistëve gjermanë të bllokuar në Shqipëri. Një fluturim i Air Albania u nis dje drejt Memmingen.

Gjermania dhe Bashkimi Evropian po qëndrojnë në krah të Shqipërisë dhe do të vazhdojnë të mbështesin Shqipërinë edhe në përballimin e krizës së Corona-Virus dhe pasojave të saj. /Albinfo.ch.

---