Lajme
Zvicër: Gratë shtatzëna futen në listën e më të rrezikuarve
Në varësi nga studimet të cilave u referohemi, rreziku për gratë shtatzëna është midis 1.5 dhe 5 herë më i lartë që sëmundja të ketë një zhvillim më të rëndë
Gratë shtatzëna janë kategoria më e re në listën e personave në rrezik nga koronavirusi. Ato kanë një rrezik pak më të lartë të zhvillimit të Covid-19 sesa gratë tjera, në të njëjtën moshë.
Zyra Federale e Shëndetit Publik (BAG) ka vendosur të marrë këtë masë paraprake, duke u bazuar në mendimin e Shoqatës për Gjinekologji dhe Obstetrikë, shkruan SDA.
Kështu ka thënë të mërkurën në konferencën për media në Patrick Patrick Mathys, kreu i sektorit të menaxhimit të krizave dhe bashkëpunimit ndërkombëtar në BAG.
Por përse gratë shtatzëna futen tani në listë?
Mathys përgjigjet: “Ashtu sikur për shumë gjëra që lidhen me Corona, njohuritë dhe të dhënat e reja tani tregojnë se ekziston një rrezik paksa i rritur. Ne nuk i kemi pasur këto të dhëna më parë”, transmeton albinfo.ch.
Ndërsa Virginie Masserey, udhëheqëse e seksionit për kontrollin e infeksioneve në kuadër të BAG, thotë: “Është shumë e vështirë të thuash se sa e rrezikshme është me të vërtetë. Në varësi nga studimet të cilave u referohemi, rreziku për gratë shtatzëna është midis 1.5 dhe 5 herë më i lartë që sëmundja të ketë një zhvillim më të rëndë, përcjell albinfo.ch.
Kjo vlen sigurisht për vetë gruan shtatzënë. Por ne nuk mund të përjashtojmë që ekzistojnë edhe rreziqe të caktuara për shëndetin e fetusit. Virusi mund të infektojë edhe placentën, e cila mund të çojë në ushqimin e dobët të fetusit. Nëse një i porsalindur ka lindur me një infeksion, ai gjithashtu mund të jetë i rrezikuar. Megjithatë, ne ende nuk i njohim saktësisht rreziqet”.
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla