Lajme
Pandemia ul ndjeshëm numrin e aplikimeve për azil në Zvicër
Numri i kërkesave për azil ishte duke rënë në mënyrë të vazhdueshme në pesë vitet e fundit, por trendi i rënies është rritur shumë si pasojë e krizës së koronës
Në tremujorin e dytë të vitit 2019, në Zvicër ishin dorëzuar 3347 kërkesa për azil. Në të njëjtën periudhë në vitin 2020 janë vetëm 1314 sosh.
Numri i kërkesave për azil ishte duke rënë në mënyrë të vazhdueshme në pesë vitet e fundit, por trendi i rënies është rritur shumë si pasojë e krizës së koronës, shkruan srf.ch.
Përveç rritjes së kontrolleve kufitare dhe ndalimeve të udhëtimit mes disa vendeve, Zvicra është detyruar të pezullonte edhe disa hyrje për shkak të pandemisë së koronavirusit.
Deri në mes të qershorit, Zvicra kishte mbajtur të kufizuar hyrjen nga të gjitha shtetet e Shengenit me përjashtim të Principatës së Lihtenshtajnit, transmeton albinfo.ch. Si rezultat i këtyre kufizimeve, ishin pezulluar gjithashtu të gjitha prankimdorëzimet që bëhen në bazë të marrëveshjes së Dublinit.
Për periudhën 2020 deri në 2021, qeveria federale kishte vendosur të pranojë deri në 1.600 refugjatë veçanërisht të prekshëm. Një grup i parë prej 26 vetash nga ky kontigjent ka hyrë në Zvicër në mjuajin mars, përcjell albinfo.ch. Hyrjet e tjera të planifikuara u desh të pezulloheshin për shkak të Covid-19.
Po ashtu, azilkërkuesit e refuzuar mund të kthehen vetëm në vendet e tyre të origjinës ose në vendet e Dublinit në një masë të kufizuar.
Nga marsi deri në maj të vitit 2020, është dashur të anuiloheshin gjithsej 614 fluturime, kryesisht për shkak të pandemisë koronare. Në të njëjtën periudhë të vitit 2019 janë kryer 452 fluturime të tilla, me 1572 persona.
Në gjysmën e parë të vitit 2020, në Zvicër janë paraqitur gjithsej 4592 kërkesa për azil, që korrespondon me një ulje prej 34.7 për qind në krahasim me të njëjtën periudhë të një viti më parë, përcjell albinfo.ch Qershori ka regjistruar një rënie prej 39.6 për qind në krahasim me një vit më parë me 606 aplikime (2019: 1003).
Vendet më të rëndësishme të origjinës të personave që kanë aplikuar për azil në Zvicër gjatë qershorit janë: janë Eritrea me 149 aplikime, Afganistani (118), Algjeria (50), Siria (49) dhe Turqi (39).
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)