Shqipëri: Bie numri i të infektuarve

Në 24 orët e fundit gjashtë pacientë kanë humbur jetën si pasojë e koronavirusit, të shtruar në dy shpitalet Covid.

Ata janë një 63-vjeçar nga Lezha, një 67-vjeçare dhe një 70-vjeçare nga Tirana, një 70-vjeçar nga Librazhdi, një 72-vjeçar nga Kukësi dhe një 88-vjeçar nga Dibra.

Flutura Beqo, nga Ministria e Shëndetësisë dhe Mbrojtjes Sociale, tha se gjatë 24 orëve të fundit në vendin tonë janë kryer 812 testime për vlerësimin e infektimit nga virusi SARS COV2, dhe 93 persona janë konfirmuar pozitivë me COVID-19.

Shpërndarja gjeografike e rasteve pozitive ditore është si vijon: 42 raste në Tiranë, 7 në Fier, 6 në Lushnje, 5 në Malësi e Madhe, nga 4 raste në Shkodër, Durrës, Korçë, Mirditë, 3 në Kavajë, nga 2 raste në Elbasan, Has, Vlorë, Librazhd, Gjirokastër, nga 1 rast në Devoll, Kamëz, Mat, Përmet.

Sot është shënuar një numër rekord të shëruarish. Janë 227 qytetarë që e kanë fituar betejën me sëmundjen në 24 orët e fundit, duke e çuar në 5 mijë e 441 të shëruar që nga fillimi i epidemisë.

Aktualisht në Spitalin Infektiv dhe “Shefqet Ndroqi” po trajtohen 182 pacientë të konfirmuar pozitivë me COVID-19, 23 në terapi intensive nga të cilët vetëm 7 pacientë janë të intubuar.