Ambasadori zviceran vizitoi Beratin

Për të shënuar një fazë të re të menaxhimit të mbeturinave, ku janë vërejtur standarde më të larta

Lajm i mirë: Shqipëria investon për menaxhimin më të mirë të mbetjeve. Ambasadori zviceran vizitoi sot Beratin për të shënuar një fazë të re të menaxhimit të mbetjeve për rajonin, transmeton albinfo.ch.

“Është kënaqësi që të inspektoj sot – siç po bën edhe Kryeministri – punën rehabilitiuese për vend-depozitimin e mbetjeve për Bashkinë e Beratit. Rehabilitimi që nisim sot bashkërisht pas shumë përpjekjeve përgatitore shpresojmë që të kthehet në një shembull dhe standard të mirë për menaxhimin e mbetjeve. Kjo po kryhet gjithashtu për Urën Vajgurore dhe Kuçovën”,  tha Ambasadori zviceran, Adrian Maître.

Nga ana tjetër, edhe kryeministri i Shqipërisë, Edi Rama, tha se pas Tiranës, Durrësit, Fierit, Elbasanit, Vlorës, Korçës, po mbyllet edhe për Beratin, Kuçovën e Urën Vajgurore gangrena e tmerrshme e plehrave që prej dekadash kutërbojnë dhe helmojnë njerëzit, tokën, ujrat.

“7 vjet më parë Shqipëria ishte turpi i botës në këtë drejtim dhe sot po normalizohet falë programit tonë të Rilindjes Mjedisore, ku zhdukja e fushave mesjetare të plehrave dhe zëvendësimi i tyre me fusha sanitare e me parqe, vazhdon papushim”, tha Rama. /Albinfo.ch

https://www.facebook.com/edirama.al/videos/620195928686537/

---