Kosova
Prishtina e Shkupi firmosin memorandumin për 5 G-në
Është bërë e ditur se Qeveria e Shteteve të Bashkuara të Amerikës nënshkroi në Shkup Memorandumin për Mirëkuptim dhe Siguri të Teknologjisë 5G me Qeverinë e Maqedonisë së Veriut dhe atë të Kosovës.
Nënsekretari amerikan për Rritjen e Ekonomisë, Energjisë dhe Ambientit, Keith Krach, i firmosi dokumentet në takime të veçanta me kryeministrat Zoran Zaev dhe me Avdullah Hotin, i cili ishte për vizitë në Shkup. Krach tha se memorandume të tilla janë dëshmi se bota po ndërgjegjësohet lidhur me rreziqet dhe shitësit e rrezikshëm.
Maqedonia e Veriut është vendi i 27 i Aleancës së Nato-s që i bashkohet të ashtëquajturit “rrjeti i pastër“. “Me memorandumin, vendet firmëtare zotohen se nuk do të shfrytëzojnë teknologjinë 5G nga prodhues të pakontrolluar dhe jo të besueshëm. Rrjeti i pastër është një qasje gjithëpërfshirëse lidhur me kërcënimet afatagjata ndaj privacisë së të dhënave, sigurisë, besimit dhe bashkëpunimit e të drejtave të njeriut, siç paraqitet nga Partia Komuniste e Kinës.
Kjo ceremoni nënshkrimi nuk është vetëm simbolikë besimi mes shteteve tona, por gjithashtu besim edhe midis vendeve me pikëpamje të njëjta lidhur me rrjetin e pastër dhe përkushtimin e betejës epike të autoritarizmit kundër lirisë”, u shpreh zyrtari amerikan. Zaev tha se vendi i tij, si kandidat për anëtarësim në BE, e ka për detyrë t’i përshtasë politikat shtetërore për komunikime elektronike me ato të Bashkimit Evropian dhe zbatimin e teknologjisë 5G “me partnerin tonë srategjik dhe aleat në NATO, Shtetet e Bashkuara të Amerikës”. /Albinfo.ch
Të ngjashme
Të tjera nga Kosova
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla