Lajme
“Helvetica”, një triler politik zviceran që lidh shqiptarët me terrorin
Rolin kryesor e luan Flonja Kodheli. Në role tjera të rëndësishtme paraqiten edhe aktorë tjerë shqiptarë si Çun Lajçi dhe Arben Bajraktaraj
Televizioni i njohur gjerman “3sat” merr në program trilerin politik zviceran “Helvetica”. Më 6 dhjetor, ky televizion do të shfaqë për herë të parë të gjashtë pjesët e miniserisë në televizionin gjerman, shkruan wunschliste.de.
Subjekti i serialit është me pak fjalë ky: një pastruese, zvicerane me prejardhje kosovare e cila punon në ndërtesën e Parlamentit të Zvicrës ngatërrohet në një rrjet korrupsioni dhe terrorizmi, transmeton albinfo.ch.
Tina Wicky, siç quhet gruaja në këtë serial, rolin e të cilës e luan aktorja shqiptare nga Belgjika, (Flonja Kodheli) ishte duke punuar në vendin e saj të punës kur një ditë para portës i paraqitet një person i panjohur, i cili pretendon se është mik i familjes.
Ky person me emrin Djeko, e detyron Tinën që të marrë dokumente të ndjeshme në lidhje me një marrëveshje të tregtisë me armë. Por, gjatë aksionit të natës, njeriu i angazhuar nga Djeko kapet në befasi dhe vritet nga një roje sigurie.
Ndërkohë edhe detektivi Rainald Mann që punonte në një lëndë tjetër, në lidhje me një pengmarrje në Jemen, arrin ta bindë Tinën që të punojë me të, përcjell albinfo.ch. Ndërkohë ajo është ende e kërcënuar nga Djeko dhe ka frikë për faamiljen e saj.
Bëhet fjalë për sigurimin e dokumenteve që lidhen me një arsenal sekret, një sulm tjetër mbi Pallatin Federal dhe rolin që Presidentja Federale luan në gjithë këtë.
Në rolet kryesore në këtë film mund të shihen: Flonja Kodheli, Ursina Lardi dhe Roland Vouilloz, shkruan albinfo.ch. Në role tjera të rëndësishtme paraqiten edhe aktorë tjerë shqiptarë si Çun Lajçi dhe Arben Bajraktaraj. Në film flitet frengjisht, gjermanisht dhe shqip.
Për fund, gjithsesi mbetet i paqartë motivimi i autorëve që subjektin e serialit të tyre ta mbështesin në një kontekst imagjinativ të terrorit që lidhet pikërisht me shqiptarët dhe Kosovën!
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse