Lajme
Mërgimtarët nga Zvicra prijnë me ardhjet e tyre në Kosovë këtë vit
Është bërë e ditur se mërgimtarët nga Zvicra prijnë për nga numri i ardhjeve në Kosovë këtë vit, për dallim nga shtetet e tjera nga bota, me theks të veçantë nga Evropa, shkruan albinfo.ch.
Sipas të dhënave nga Aeroporti Ndërkombëtar i Prishtinës “Adem Jashari” dhe Byroja Kosovare e Sigurimeve, në periudhën janar-gusht 2020 numri i vizitorëve nga jashtë në Kosovë ishte rreth 62.5% më i ulët se në vitin 2019.
Dëmi i shkaktuar në të hyrat e ekonomisë së Kosovës nga mosardhja e diasporës pritet të jetë nga 205 deri në 291 milionë euro në vitin 2020, shkruan tutje albinfo.ch.
Si në vitin 2019, ashtu edhe në vitin 2020, mërgimtarët nga Zvicra janë në krye të listës për nga numri më i lartë i ardhjeve në Kosovë.
Referuar statistikave, gjatë vitit 2019 nga Zvicra në Kosovë kanë ardhur 595,456 mërgimtarë, ndërkohë që këtë vit nga periudha janar-gusht 2020 është përgjysmuar në 239,308 ardhje.
Ndërkohë, Gjermania zë vendin e dytë, ku në vitin 2019 kishin ardhur rreth 529,362 gjithsej, kurse në vitin 2020 numri i tyre është 236,876.
Vendi i tretë për nga ardhjet i takon Turqisë, pastaj Austrisë dhe Britanisë.
Referuar statistikave të dhëna për Albinfo.ch, nga Aeroporti Ndërkombëtar i Prishtinës thuhet se nga data 01 janar e deri 31 tetor 2020 kanë udhëtuar 906,024 udhëtarë gjithsej, përdallim nga periudha e njëjtë e viti të kaluar janar-tetor 2019 që ishte 2,028,870 udhëtarë, shkruan tutje albinfo.ch.
Të ngjashme
Të tjera nga Lajme
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Kantonet zvicerane me plane për të punësuar më shumë mësues të huaj Shumë pak mësues po trajnohen në Zvicër, me një mungesë të rëndësishme që pritet deri në...
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut
-
Ndërprehet linja e trenit midis Brig në Valais dhe Italisë