Lajme
Artistja zvicerane, e cila la Zvicrën për të punuar në Shqipëri
Ajo është dashururar me Shqipërinë dhe mendon të jetojë këtu për një kohë të gjatë, duke treguar planet që ka për të ardhmen
Kryes Stern është një artiste zvicerane, e cila dashuron Shqipërinë.
Në një intervistë për mediat shqiptare, ajo tregoi se rastësisht erdhi në Kosovë e më pas në Shqipëri.
“Unë jam nga Zvicra, jam lindur dhe rritur në Zvicër, erdha në Kosovë për herë të parë në një festival që ndodhi para 3-4 vjetësh dhe erdha për herë të parë për të marrë pjesë në festival. Kishte një energji shumë të mirë dhe vendosa të vij për një muaj, mora pushim për të parë si është jeta, si janë njerëzit, sepse kam pasur një mendim komplet ndryshe”, është shprehur ajo.
Fillimisht zhvendoset në Kosovë dhe ashtu si shumë të huaj nuk e njihte këtë vend, ajo tregon për mendimet e para kur vendosi të jetojë në Kosovë:
“Më fal, por keni një imazh të keq pak sepse akoma mendojmë që është një vend pas lufte, me njerëz që janë të varfër, që bëjnë gjera të kqija dhe në Zvicër kemi dhe këtë problemin me drogën. Por, kur erdha, kam parë njerëz shumë të rinj, me kulturë shumë të zhvilluar, me shumë shpresë. Dhe kam parë që njerëzit janë shumë familjarë dhe të mirë për njëri-tjetrin”, tregon ajo.
Pas disa kohësh ajo është zhvendosur në Tiranë për të pasur mundësi më të mira për zhvillimin e artit të saj, transmeton tutje albinfo.ch.
“Në fillim ishte pak e vështirë, edhe sepse gjuha është pak e ndryshme se në Kosovë. Kam pasur vështirësi për t’u kuptuar me njerëzit, nuk dija ku të blija ushqim, por tani e kam ndërtuar jetën këtu”, tha Stern.
Ajo është dashururar me Shqipërinë dhe mendon të jetojë këtu për një kohë të gjatë, duke treguar planet që ka për të ardhmen.
“Kam në plan me qëndru, kam në plan po ashtu ta blej një kamion të vogël sepse dua të bëj një galeri brenda dhe me shku nëpër Shqipëri, për ta vizituar dhe për të zhvilluar ‘ street art’”, përfundon ajo. /Albinfo.ch
Të ngjashme
Të tjera nga Lajme
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Rritet numri i pasagjerëve në transportin publik në Gjenevës Numri i njerëzve që përdorin transportin publik në Gjenevë është rikthyer tani në nivelet e parë...
-
Gjashtë gjëra që duhet të dini për pagat në Zvicër
-
Cilat profesione janë më të paarritshme nga të huajt në Zvicër
-
Kush është gruaja që ju flet shqip kur fluturoni me CHAIR?
-
Restoranti i famshëm indian nuk mund të hapet në Cyrih, pasi kuzhinierëve iu refuzuan lejet