Mbi 11 mijë mërgimtarë u regjistruan për 24 orë, Zvicra prin e para

KEYSTONE/EPA/GEORGI LICOVSKI

Referuar statistikave të fundjt, gjatë 24 orëve të fundit, në web faqen census.stat.gov.mk janë regjistruar 11.101 mërgimtarë të tjerër, transmeton albinfo.ch.
Numri i mërgimtarëve të vetëregjistruar ka arritur në gjithsej 171.620 të vetëregjistruar, njoftojnë nga Enti Shtetëror i Statistikave.

Në listën e detajuar të mërgimtarëve të regjistruar, e përditësuar në ora 08:00 të ditës së sotme, Zvicra vazhdon të jetë shteti ku regjistrohen më së shumti mërgimtarë të Maqedonisë së Veriut. Prej 1 marsi deri sot nga ky vend janë regjistruar 56.146 mërgimtarë.

E dyta është Gjermania, me 39.167 të regjistruar, ndërkaq e treta Italia, me 24.702 të vetëregjistruar

Regjistrimi i diasporës ka filluar më 1 mars dhe pritet të përfundojë më 21 prill.