Zvicër: Udhëtimi ajror do të bëhet edhe më i shtrenjtë

@pixabay

I ashtuquajturi “proces i dekarbonizimit” do të rrisë çmimin e biletave, sipas Sebastian Mikosz, nënkryetar i Shoqatës Ndërkombëtare të Transportit Ajror me bazë në Gjenevë (IATA).

“Fluturimi do të kushtojë më shumë, dekarbonizimi ka një kosto, në thelb një kosto për të investuar në teknologji që nuk ekzistojnë”, tha Mikosz në një intervistë me transmetuesin publik RTS, përcjell albinfo.ch.

Çmimi i biletave tashmë është rritur për shkak të kostove më të larta të karburantit të shkaktuar nga lufta në Ukrainë.