Trazira në aeroportin gjerman, Wizzair shiti bileta pa pasur vende të lira në linjën për Tiranë

Aeroplani ishte i mbirezervuar dhe shumë udhëtarë uk arritën të hipnin

Për shkak se një aeroplan i kompanisë së fluturimit Wizzair ishte i mbirezervuar, pati trazira të premten në mbrëmje në aeroportin e Friedrichshafenit në Gjermani. U desh ndërhyrja e policisë gjermane.

Siç raporton Dw, në aerportin e Friedrichshafenit në Gjermani të premten ka pasur trazira nga mbingarkimi i pasagjerëve të kompanisë së fluturimit, Wizzair.

Aty madje u desh ndërhyrja e policisë gjermane për të qetësuar pasagjerët e zemëruar.
Për shkak të transferimeve të brendshme të prenotimit me Wizzair, 39 pasagjerë nuk mund të udhëtonin dot, për shkak se avioni ishte i tejmbushur. Kjo shkaktoi zemërim, britma dhe shumë pasagjerë refuzuan të largoheshin nga salla e pritjes, transmeton albinfo.ch.

Sipas të dhënave të fundit të policisë, për këtë avion kishte 209 prenotime, ndërkohë që në dispozicion ishin 186 vende.
Oficerët e policisë dhe doganës u desh të qetësonin masën e pasagjerëve të zemëruar. Një avion rezervë për pasagjerët e mbetur nuk pati. Qytetarë, të cilët kishin kryer një udhëtim disa orë për të ardhur në këtë aeroport, duhet të linin sërish aeroportin.

---