Austri: 8 persona të plagosur, makina përfundon në kopshtin e restorantit

Raportohet se tetë persona u plagosën, tre prej tyre rëndë, pasi një shofer humbi kontrollin mbi veturën e tij sot në Salsburg dhe u fut në kopshtin e restorantit McDonald’s pa frenuar, përcjell albinfo.at.

Mediat austriake shkruajnë se sipas policisë, shoferi humbi kontrollin e mjetit për shkak të një “problemi mjekësor”.

Pasditen e sotme, një mjet i tipit Mercedes ka rrëzuar disa tabela të komunikacionit, ka hyrë në kopshtin e restorantit dhe më pas është ndalur para një dyqani sportiv.

Si pasojë e aksidentit, drejtuesi i mjetit ka pësuar lëndime të rënda, ndaj nuk ka mundur të merret në pyetje.

Përveç tij, kanë mbetur të plagosur rëndë një nënë dhe një fëmijë i vogël, sipas mediave austriake.