Bota
Rënie e lindjeve në Evropë, shkak pandemia e Covid 19
Suedia, e cila nuk mori masa izolimi, por kishte një numër të lartë vdekjesh, nuk pati një rënie të lindjeve
Evropa përjetoi një rënie prej 14% të numrit të foshnjave të lindura në janar 2021 krahasuar me të njëjtin muaj në vitet e mëparshme, e shkaktuar nga frika e një krize shëndetësore e Covid-19, gjatë valës së parë të pandemisë, sipas studiuesve.
Shkencëtarët nga Zvicra thanë se vendet me masat e izolimit më të ashpra në fillim të vitit 2020 dhe njësitë e kujdesit intensiv të mbipopulluara përjetuan rëniet më të mëdha të lindjeve, nëntë deri në 10 muaj më vonë.
Sipas konstatimeve, të botuara në revistën “Human Reproduction”, ky fenomen mund të çojë në pasoja afatgjata në demografinë veçanërisht në Evropën Perëndimore ku ka popullsi të plakur, shkruan ATSH, transmeton albinfo.ch.
Britania e Madhe dhe Uellsi përjetuan një rënie prej 13% të lindjeve në janar 2021, krahasuar me janarin 2018 dhe 2019, ndërsa numri i foshnjave të lindura në Skoci u ul me 14%.
Lituania dhe Rumania regjistruan rënien më të madhe të lindjeve, përkatësisht me 28% dhe 23%.
“Suedia, e cila nuk mori masa izolimi, por kishte një numër të lartë vdekjesh, nuk pati një rënie të lindjeve”, zbuluan studiuesit.
Ekipi zbuloi se kohëzgjatja e masës së izolimit ishte faktori i vetëm i lidhur me rënien e lindjeve në janar 2021, krahasuar me janarin 2019 dhe janar 2018.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Shtim i rasteve të sulmeve ndaj infermierëve në Zvicër Dhuna po përshkallëzohet gjithnjë e më shumë në spitalet dhe klinikat zvicerane, raporton “SonntagsBlick”. Sipas një...
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë