Lajme
Bizneset në Gjermani, të gatshme për rindërtimin e Ukrainës
Gjermania duhet të luajë një rol udhëheqës në rindërtimin e shpejtë të Ukrainës. Këtë thirrje e bënë bizneset gjermane në Evropën Lindore përpara një forumi të organizuar në Berlin.
Gjermania duhet të luajë një rol udhëheqës në rindërtimin e shpejtë të Ukrainës. Këtë thirrje e bënë bizneset gjermane në Evropën Lindore përpara një forumi të organizuar në Berlin.
Nënkryetari i Komitetit për Marrëdhëniet Ekonomike të Evropës Lindore (Ostausschuss der Deutschen Wirtschaft), Hans-Ulrich Engel, tha se përpjekjet fillestare duhet të drejtohen drejt një organizimi efikas të ndihmës emergjente, për shembull, për të rindërtuar infrastrukturën e shkatërruar, përcjell Albinfo.ch.
“Pas kësaj, fokusi duhet të jetë në masat e synuara dhe kushtet e përshtatshme kornizë për kontributet që do të shërbejnë në rindërtimin e ekonomisë në Ukrainë”, tha ai.
Kancelari gjerman, Olaf Scholz dhe kryeministri ukrainas, Denys Shmygal, hapën sot forumin e biznesit gjermano-ukrainas në Berlin.
“Disa ministra ukrainas do të udhëtojnë në Berlin ose do t’i bashkohen takimit nëpërmjet lidhjes me video”, njoftuan organizatorët.
“Rindërtimi i pasluftës i Ukrainës do të jetë një “mision brezash” që kërkon një strategji në nivelin e “Planit Marshall”, thanë në Twitter kancelari gjerman, Olaf Scholz, dhe presidentja e Komisionit Evropian, Ursula von der Leyen.
Nëpërmjet Planit Marshall, SHBA-ja financoi rindërtimin në vendet evropiane midis 1948 dhe 1952.
“Evropa ka një rol të veçantë në mbështetjen e Ukrainës, sepse vendi është një kandidat për anëtarësim në BE. Rruga e rindërtimit është gjithashtu rruga e Ukrainës drejt Bashkimit Evropian”, shkruan ne Twitter Scholz dhe von der Leyen./Albinfo.ch
E-Diaspora
-
Aviokompania zvicerane që flet shqip Aviokompania zvicerane CHAIR është e vetmja kompani që ofron sqarime të specializuara në gjuhën shqipe në...
-
LAPSH e Cyrihut përshëndet përpjekjet për institucionalizimin e mësimit shqip në diasporë
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
Jeta në Zvicër
-
Aviokompania zvicerane që flet shqip Aviokompania zvicerane CHAIR është e vetmja kompani që ofron sqarime të specializuara në gjuhën shqipe në...
-
Buxheti i mbrojtjes i propozuar prej 15 miliardë frangash, pritet të dështojë
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë